Beñat Etxepare sarietatik bi Armentiako antzerki ikusleentzat izan dira

Teatro Paraiso konpainiak Beñat Etxepare sarien XXIII. edizioa antolatu du, ikusleak, ikastetxeak, irudi grafikoa eta antzerki kritikarik onena aitortzeko. Ikusleen eta ikastetxearen saria Armentiara iritsi dira.

Pandemiak eragindako etenaldiaren ondorioz, Ikusleentzako Sarien aurtengo edizioak 2019-2020 eta 2020-2021 ikasturteei dagozkien sariak banatu ditu astelehen honetan Iparralde Gizarte Etxeko Beñat Etxepare antzokian. 15.000 ikaslek baino gehiagok parte hartu dute, eta 20 sari banatu dira hezkuntza maila guztien artean; horrez gain, hiru sari banatu zaizkie ikastetxeei eta beste hiru ikasleek egindako lanen artean: irudi grafiko onenaren saria, erreportari onenaren saria eta Poctefa saria.

Emandako sarien artean, Armentia ikastolan honako hauek banatu dira:
• Ikusleei saria: Haur hezkuntzako ikusle parte hartzaileen artean, HH5eko Naroa de Leon eta Alize Unanuek saria jaso dute, Bihotz-bihotzez antzerkiaren inguruan egin zuten marrazkiarengatik.
• Ikastetxeei zuzendutakoa: Ikuslearen iritziaren inguruan lan interesgarriena egin dutenen artean Armentia ikastola saritu dute.