Skip to main content

Ikasturtea antolatzen

Ikastolako klaustroak ikasturteko plangintza jorratu du.

Irudia
klaustroa

Ikasturtea hasita, Armentia ikastolako irakasle eta hezitzaileak biltzen dituen klaustroak ekin dio 2025-2026 ikasturteko helburuak eta lan-ildoak osatzeari. Horrela, lehenik eta behin aurreko ikasturteak emandakoa baloratu zuen. Horien artean hainbat proiektu eta jardun positibotzat jo ziren; besteak beste, ikastola mugikorrik gabeko gune izendatu izana, ekoLOGIKOAK dinamika, Ikastoletako Hezkuntza Marko Orokorra barneratzeko formazioa, HHn abian jarritako Jolasean Solas dinamika… Horiekin batera, nola ez, hobetu beharrekoak ere identifikatu genituen.

 

Behin urteko balorazio eginda, hasi berri dugun ikasturtearen helburu eta ildo nagusiak zehaztu genituen. Horietako batzuk aurreko ikasturtean hasitakoak dira, eta erronka berriak ere baditugu, tartean, Ikastolako Irakurketa Plana osatzea, Hezkidetza-planari buelta bat ematea, Bigarren Hezkuntzan tutoretza plan integrala abian jartzea, euskararen ezagutzaren eta erabileraren sustapena… 

 

Zakukada bete lan, baina bai eta hori guztia aurrera ateratzeko klaustro osoaren konpromisoa ere.

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Euskararen berreskurapenerako arlo estrategikoa da hezkuntzaren sektorea. Bete-behar horri erantzuteko estrategien inguruan hausnartu genuen Ikastolen 30.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.