Ekainean aurreratu bezala, udaldia probestu dugu patioan eraldaketarako eskuhartzea egiteko, besteak beste, kanpo eremuan behar pedagogiko eta naturalizatzeko beharra sustatzeari begira.
Gauzak horrela, Armentia ikastetxeko kanpo espazioa aberasteko adin tarte desberdinetara egokitutako kanpo espazioa eraldatu da naturalizazioa eta inklusibitatea oinarri hartuta. Izan ere, umeak sozializatu, poztu, harritu eta emozionatzeko guneak dira jolas eremuak, hartara, gure espazioak birdefinitu, alienazioa aniztasunarekin koloreztatu eta mugak ezabatu ditugu.
Udan egindako eskuhartzearekin lau eremu zehaztu dira patioan. Batetik, mugimendu eremua, bigarrenik eremu semiaktiboa, hirugarrenik eremu lasaia, eta azkenik, esploraziorako eremua.
Semiaktiboa kuriositatea lantzeko izango da, intimitatea, psikomotrizitatea, horizontaltasuna… Eremu lasaian harmailak eta itzalak izango ditugu. Irakurketarako txokoa eskainiko du, bai eta bilgunerako edota mahai jokoetarako ere. Mugimendu eremuaren ardatza bertikaltasuna izango da eta psikomotrozitaterako ez ezik, talde jolasetarako ere balio izango du.
Orain, beraz, patioan egindako eraldaketaz gozatzea besterik ez dago.
