Irudia
Ikasturteko lehen hiruhilekoari amaiera emateko, DBH3ko Frantseseko ikasleek bisita berezia izan zuten, oporrak hartu eta pare bat egun lehenago: Samuel Mountoumnjou ipuin kontalari kamerundarra.
Behin baino gehiagotan izan da gurean Samuel, eta Kamerungo ipuinak gerturatzen dizkie gure ikasleei, frantsesez. Baina ez du bakarrik Afrikako hainbat istorio kontatzen: Samuel Mountoumnjouk modu interaktiboan lan egiten du. Horrela, ikasleak partaide bihurtzen ditu, kontaketa elkarrekin egiten dute eta, bide batez, ahozkotasunean trebatzen dira.
Gelan ikasitakoa praktikan jartzeko modu aberasgarria da, eta ikasleek tarte ederra pasatzen dute.
Eskerrik asko, Samuel!
