Aste honetan ere Xabier Olaso gure LHko irakaslea izango dugu protagonista. Izan ere, Juul kanpainan saritua izan da, Mihi-puntaren puntan igarkizun liburarengatik.
Sarien entregan izan da, eta idazteaz aritu da, labur-labur, ikasle baten galdera erantzuteko. Izan ere, bere afizio hori noiz hasi zen jakin nahi izan dute: “Idaztea urteekin batera egiten den barne-zaletasuna da, baina txikitan hasten da. Beraz, nik esango nuke mutikotan banuela idazteko joera”. Matematika asko ez zuela oso gustoko onartu du, idazketan trebeagoa zela. Lan hori fintzen eman ditu urteak eta urteak, eta horren isla dira Mihi-puntaren puntan bezalako lanak.
Aukera aprobetxatu eta igarkizun berri batekin ere ausartu da Olaso: “Murtxika-murtxika eta, noizean behin, puxika-puxika”. Ezetz asmatu zertaz ari den!
