Badoa pixkanaka 2025eko EUSKARALDIA. Ikastolako jaian ere presente izan genuen, eta hainbat lagun berrik eman zuten izena. Orain, badagokigu EUSKARALDIAren baitan ariketa egitea, hau da, Ahobizi eta Belarriprest guztiak elkartu eta elkarrekin zerbait egitea.
Zenbait buelta eman ostean, ikastolako EUSKARALDIA batzordeak txangoa egitea erabaki du. Izan ere, horrek aukera paregabea eskainiko du Ahobizi eta Belarriprest rolak praktikan jartzeko.
Horrexegatik, igandean, hilaren 25ean, Armentiako basora paseoa egingo dugu elkarrekin, mingainak eta entzumena aktibatzeko. Hitzordua 10:00etan izango da ikastolako sarreran, eta eguerdian bueltan izango gara. Ikastolako ohiturei jarraiki, hamaiketakoa egingo dugu elkarrekin, denok eramandakoa elkarbanatuz.
Animatuz gero, izena eman hurrengo loturan:
