Aurretik ArmentiBerrin jakinarazi genizuenez, EAEko Hezkuntza Sailak 140.000 euroko isuna jarri dio Salbatore Mitxelena ikastolari haien kide izan nahi zuten zortzi familiari aterik ez itxi eta ikastolan hartzeagatik.
Isun hori ordaintzeko, hainbat ekimen jarri dituzte martxan eta, hain zuzen ere, horietako bat aurkeztu nahi dute: "Haur bat, hartxintxar bat, euro bat" ekimena. Honen bidez, Euskal Herri luze-zabaleko 115 ikastoletara iritsi nahi lukete eta laguntza xume bezain sinbolikoa eskatu: haur bakoitzeko euro bat. Horrela, haurrez haur, euroz euro, hartxintxarrez hartxintxar, Euskal Herri osoa hartuko duen elkartasun uholdea sortu nahi lukete. BIDEO HAU sortu dute ekimenaren berri emateko.
Zuen hartxintxarra jarri nahi izanez gero, beraz, zuen seme-alabek eraman dezatela eurotxo bana ikastolara eta idazkaritzan dagoen kutxatxoan sartu. Kutxatxoa honako egunotan egongo da: martxoak 14-martxoak 25.
Horrekin batera, honako aukerak ere badaude ekarpena egiteko:
BIZUMA: 10659
TRANSFERENTZIA: ES73 2095 5212 1091 2486 7983
Ekimen honek ikastolon arteko elkartasunaren beste adibide argi bat izan nahi du.
Haien asmoa, beraz, hartxintxarrez hartxintxar, harri pila handia lortzea izango da, IKASTOLAK EUSKAL HERRIA ERAIKITZEN!!!
