Joan den asteko ArmentiBerrin aurreratu bezala, Hezkuntza Sailak Zarautzko Salbatore Mitxelena ikastola zigortzeko prozedura jarri zuen martxan. Izan ere, Eusko Jaurlaritzak 2023an ikaslerro bat kendu zien, eta ikastolak bazuen hirugarren lerroa osatzeko jenderik. Une horretatik aurrera, erreklamazio eta alegazio segida amaiezin bati eman zioten hasiera. 2023ko maiatzean, ahalegin guztiak alferrikakoak izan zirela ohartuta, Salbatore Mitxelena ikastolako komunitateak bere komunitatearen eta proiektuaren parte izan nahi zuen orori ateak zabalik mantentzea erabaki zuen, eta beraz ikastolatik kanpo utzi nahi izan zituzten zortzi familiak hartzea erabaki zuten.
Babesa agertzeko asmoz EHIk dei egin zien ikastola guztietako komunitateei ostiralean elkarretaratzea egitera. Armentia ikastolako gurasoek zein langileek ere elkartasuna agertu zioten Salbatore Mitxelena ikastolari.
