Gure hirian euskaraz aisialdiaz gozatzea posible da, eta hori erakusteko, Gasteiz Euskararen Hiria ekimena aurkeztu dute. Egun osoko jaialdia izango dugu urriaren 19an, Andre Maria Zuriaren plazan.
Besteak beste, kontzertuak, haurrentzako ikuskizunak, zumba, bertso saioa eta bakarrizketak izango dira kalean, Gasteizko erdigunean. Gasteiztar guztiei begira antolatu da eguna; adin tarte guztiak eta euskara maila guztiek izango dute tokia, bai menderatzen dutenek bai harremanak euskaraz izateko gai ez direnek.
Hain zuzen ere, ekimen honen bidez, antolatzaileek bereziki nabarmendu dute garrantzitsua dela euskaraz jariotasun handia ez dutenek aukera izatea euskarazko aisialdia jasotzeko.
Hamabi orduz euskaraz jarduten eta entzuten
Esan bezala, egun osoan zehar denetariko ekintzak izango ditugu, goizeko hamarretatik hasita arratsaldeko azken ordura arte. Hauek dira, hala nola, antolatu direnak:
- Goizean, familientzako tartea: magia ikuskizunak, tailerrak eta kirol jolasak.
- Eguerdian zehar, kalejirak Alde Zaharra girotzen, Dirty Durum Brass Band eta Gasteiz Kantuz taldeen eskutik.
- Amaitzeko, Pasadena taldea eta Annekdotas arituko dira oholtza gainean.
Informazio guztia eta egitaraua osorik ikusi nahi baduzue, ALEA aldizkarian duzue: Gasteiz Euskararen Hiria
