Skip to main content

Korrika materiala salgai ikastolan

Petoak eskatu ahalko dira, eta, bestetik, materiala salgai jarriko dugu egun batez. Era berean, Korrika Batzordea osatu dugu: zatoz bigarren bilerara!

2024/02/02
Irudia
Korrika23mapa

KORRIKAren 23. edizioa hurbiltzen ari zaigu (martxoaren 14tik 24ra ospatuko da), eta honekin lotuta, KORRIKA materiala eskuragarri jarri nahi dizuegu.

  • Ikastolaren bidez petoak eskatzeko aukera izango da. Peto bakoitzak 6 euro balio ditu eta otsailaren 8a izango da eskaera egiteko azken eguna. Horretarako, galdetegia bete.
  • Otsailaren 7an ikastolako sarreran KORRIKA materiala erosteko aukera egongo da, AEKko lagunek postua jarriko baitute 16:00etatik 17:15era.

Bide batez, jakin ezazue Gasteizko KORRIKA DENDA ere jada martxan dagoela hurrengo helbidean: Aldabe kalea, 7.

  • Ostegunetan, 18:00-20:30.
  • Ostiraletan, 18:00-20:30.
  • Larunbatetan, 11:00-14:00.

KORRIKA batzordea ikastolan

KORRIKArekin loturiko ekintzak antolatzeko Armentia Ikastolako Korrika Batzordea martxan da. Antolatu dugun bigarren bileran parte-hartzera gonbidatu nahi zaituztegu ikastolako familia, langile zein ikasle guztioi.

  • Deialdia: otsailak 7, asteazkena.
  • Ordua: 16:45ean.
  • Tokia: DBHko irakasle gelaren aurrean.

Anima zaitezte eta parte hartu!

Azken albisteak

2024-02-29
Euskal Herrian badira periferiatik euskara lantzen duten eragile ugari; horietako bat Ikastolen mugimendua da.
2024-02-29
Otsailaren 26an, ikastolok heldu den ekainaren 22an ospatuko dugun VII. Batzarraren prozesua aurkeztu genuen.
2024-02-29
3. Ziklo Pedagogikoaren amaierara heldu gara konturatu gabean. Asteartean izan genuen gurekin aurtengo azken hizlaria: Miren Ros.
2024-02-27
Azken bideoan SEASKAko kide eta Euskal Herriko Ikastoletako lehendakariorde Erik Etxartek hitz egingo du.