Garai ezin hobea da aire zabaleko jokoaren esplorazioa, manipulazioa, esperimentazioa eta garapena sustatzeko. Udaberriak haurra inguratzen duen ingurune naturalarekin erlazionatzera gonbidatzen du, eta aldi berean, zentzumen bakoitza garatzeko aukera ematen du.
Horretarako, pasiloa zein gela apaindu da gaian murgiltzeko, eta, gogotsu hasi dira txikiek jarduerak burutzen! Landareen onurez jabetu daitezen eta hauen hazkunde-prozesuaz arduratzeko, dilistak landatu dituzte ingurumena errespetatu eta zaintzeko jarrerak sustatzen diren bitartean.
Honekin bat Cabarceno ezizena duen patioa txukundu dela eta zume bizizko egitura berriaz baliatuz, jolastera atera dira. Elkargune berde honek txikienen jolas-beharrei erantzuten die, ezkutatzeko eta berriro agertzeko aukera emanez, sarrera-irteeren kokapen estrategikoaren bidez mugimenduko jarduera banatuz, edota lasaitasuna aurkituz. Izan ere, oso egokia da askotariko joko-aukerak eskaintzen dituzten ekintzak garatzeko. Nola disfrutatzen duten aire zabaleko espazio natural honetan!
