Psikomotrizitate-gelan, haurraren garapenean funtsezkoak diren aspektuak (gorputzaren ezagutza, jolasa, mugimendua, esperimentazioa eta besteekin elkarrekintza eta harremana) lantzen dira. Gainera, diziplina honek espazio bat emango die txikienei sentimenduak eta emozioak lantzeko, adierazteko eta bideratzeko.
Psikomotrizitatearen helburua haurraren heldutasuna eraikitzea da. Eragina edukiko du arlo afektiboan, motorean eta kognitiboan.
Heldua honetan, bide lagun izango da eta gorputza izango du langai bezala eta jolasa garatzeko erabiliko duen tresna. Jolasean aurkituko du plazerra, konpetentzia motoreak eta koordinazio gaitasunak lortuz.
Psikomotrizitate saio batek egitura dauka, ez goaz jolastera besterik gabe. Espazio honetan arau garrantzitsua daukagu eta ezin da apurtu: EZIN DA MINIK EMAN, ETA EZIN DA MINIK HARTU. Gela honetan ezagutu ditzakegu umearen alderdi batzuk beste inon ez direnak hain ondo ikusten, beldurrak besteak beste.
