Azaroaren 25ean, Indarkeria Matxistaren Kontrako Nazioarteko Egunean, ikastolan sentsibilizazioa, tratu onak eta errespetuzko harremanak lantzeko jarduera desberdinak egin ditugu, aurtengo leloari jarraituz: “Konplizitate sareen aurrean elkartasun eta ahalduntze feminista”.
HHko ikasleek, adinera egokitutako ipuin, abesti, jolas eta eskulanen bidez, tratu onak, elkar zaintza eta sentimenduak identifikatzea landu dute, baita “ezetz” esatearen garrantzia goraipatu ere.
LHko geletan proposamen ezberdinak garatu dira: galdera-erantzun gidatuen, rol-jokoen eta egoera errealei buruzko hausnarketen bidez, indarkeria matxista zer den eta zer egin dezakegun erasoen aurrean landu dute ikasleek.
DBH eta BATXIko ikasleek, berriz, genero estereotipoak, genero identitatea, muga pertsonalak, baimena, sare sozialen erabilera arduratsua eta indarkeria matxistaren aurkako protokoloak landu dituzte tailer eta dinamika praktikoetan.
Azkenik, mezu argi batekin amaitu dugu: erasoen aurrean ez gara isilik geratuko, eta guztion ardura da tratu onetan, berdintasunean eta errespetuan oinarritutako komunitatea eraikitzea, konplizitate sareak elkartasun eta ahalduntzearekin indartzeko.
Sites-a:
