Urtearen amaierara iristen ari gara eta horrek esan nahi du atarian dugula ikasturte berrirako aurrematrikulazio-aldia. Otsailaren hasierarako dago aurreikusita, baina guk, honez gero, prest dugu ikastola etorkizuneko ikasleei eta haien gurasoei harrera egiteko.
Hori dela eta, ate irekietako bi jardun antolatu dugu abenduaren 13an eta urtarrilaren 17an hain zuzen. Horrekin batera, eta nahi izatera, bisita pertsonalizatuak ere antolatu ditugu.
Hori horrela izanik, aurten eskaera batekin gatozkizue, Zinez uste dugu ikastolaren inguruan hobekien hitz egin dezaketenak komunitateko kideak direla, eta horrexegatik, zeuoi ere dei egin nahi dizuegu, zuen inguruan ikastolari buruzko informazioa zabaltzeko. Ikastolaren parte zarete, eta zuen esperientziak parte hartzeak eragina izango dute beste gurasoek Armentia ikastolaren hautuan.
Egin dezagun, guztion artean, komunitate are handiagoa eta sendoagoa!
