ROKE ESNAOLA IKASTOLAKO IRAKASLEA DA, ETA BAITA EUSKARA TALDEKO ARDURADUNA ERE. KORRIKAREN PRESTAKETA LANETAN BURU-BELARRI ARITU DA, ETA BIZITAKOAREN INGURUAN BALORAZIO BAIKORRA EGIN DIGU.
Zein da korrika egunaren inguruan egiten duzuen balorazioa?
Oso jendetsua eta animatua izan zen ikastolan antolatutako egitaraua. Gainera, eguraldiak laguntzen ez zuela ikusita, Gurasoen Euskara Taldekoek, oso kriterio onez, hitz egin zuten Zabalganako Auzo elkartekoekin eta kalean egitekoa zen dantza plaza Ikastolako Zaldiaren Plazan egin zen eta modu honetara auzokoak ere etortzerik izan zuten, ikastola auzora zabalduz.
Zeintzuk izan ziren ekimen arrakastasuenak?
Egitaraua bere osotasunean. Merienda jende askok hartu zuen eta ondorengo dantza plaza oso animatua egon zen; ume, guraso eta irakasleak dantzan jarri zituzten era bikain batean
Zer suposatzen du Korrikak ikastolarentzat?
Korrika da euskararen erabileran eta kontzientziazioan eragiten duen jarduera nazional bat eta gaur egun daukagun euskara-erabilera maila kontutan hartuz, ezinbesteko jarduna.
