Lehen mailako ikasleek Gasteizetik egin dute irteera, inguruko hainbat eraikin bisitatuz eta ezagutuz. Mendizorrotza estadioa, Arte Ederretako eta Armagintza museoak, Ajuria Enea, Floridako liburutegia, Eusko Legebiltzarra, Katedral berria, Epaitegia, San Martineko udaletxeko bulegoak eta San Martineko anbulatorioa ezagutu dituzte.
Irteera honen bitartez ikasleek eraikin bakoitzaren izena, izana eta barrunbeak ezagutu dituzte, eta Gasteizko eguneroko bizitzan eraikin hauek duten garrantzia baloratu ahal izan dute.
