2012tik gaur arte, Goiener taldeak energia berriztagarriekin erlazionaturiko hainbat zerbitzu hedatu ditu, denak ere ikuspuntu beretik: irabazi asmorik gabeak, herrikoiak eta partehartzaileak, ingurumen eta pertsonekin adeitsuak, ekonomia eta erlazioak egiteko beste modu bat sustatuz.
Bide horretan topo egin dute kooperatiba honek eta Armentiak, eta 2019tik hona energia Goiener-ekin dauka gure ikastolak. Eta ez hori bakarrik, energia berriztagarrien aldeko apustua sendotu nahian eguzki-panelak ditugu teilatuan, autokontsumoa bultzatuz eta elektrizitate gastua murriztuz.
Energiaren sektorean ematen diren gora-behera eta arazoak tarteko, Goiener Kooperatibaren beraren biziraupena kolokan dago, eta bizi duten egoera ekonomikoari aurre egin nahian borondatezko kapital ekarpena jarri dute martxan.
Armentia Ikastolak deialdiri erantzun dio, eta kontseilu-errektoreak 1.000 euroko ekarpena egitea erabaki zuen.
Orain arte 636.000 euro inguru jaso ditu Goiener-ek, eta helburua 900.000 eurotara heltzea da.
Zuk ere zure ekarpena egin nahi baduzu, 50€koa da gutxieneko ekarpena.
Info +: https://www.goiener.com/eu/2021/10/indarberritzeko-garaia/
