Laugarrenekoz antolatu du Armentia Ikastolak Ziklo Pedagogikoa. Aurten, martxoaren 18an eta 27an eta apirilaren 2an eta 8an izango da, eta mahai-inguru bat eta bi hitzaldi eskainiko dituzte.
Interesa duten gasteiztar guztientzako jarduna izango da, prentsaurrekoan azaldu duten bezala: "Ikastolaren helburua da interesa duen edozein gasteiztarri eskaintzea hausnarketa hauetan parte hartzeko aukera. Hiriari begirako jarduna antolatu nahi du ikastolak".
Era berean, euskararen ardaztasuna jarri nahi izan dute agerian: “Gasteiz gero eta euskaldunagoa dela jasotzen dute datuek eta inkestek, eta, beraz, Gasteizen euskaraz eroso aritzeko espazio gehiago behar dira. Hezkuntzako gai interesgarrien inguruan aditu euskaldunak egon badaude, eta guk horiengana jo dugu”. Gainera, kontuan hartuta oraindik badirela euskaldun ez, baina interesa izan dezaketen pertsonak, euskara-gaztelania interpretazio-zerbitzua egongo dela azaldu du. “Interpretazio-zerbitzua, eta etorri nahi dutenen kontziliazioari laguntzeko bai eta zaintza-zerbitzua ere” gaineratu du Olabek.
Hala, guraso eta seme-alaben arteko eguneroko harremanetan garrantzitsuak diren hainbat gai landuko dira, eta hauxe izango da egitaraua:
- Martxoak 18, asteartea: mahai-ingurua. SARE SOZIALAK: osasun mentala, sexualitatea, adikzioa…
- Martxoak 27, osteguna: hitzaldia. Nola sortu irakurzaletasuna seme-alabengan?
- Apirilak 2, asteazkena: hitzaldia. Nerabezarorako bidearen kudeaketa, elkar ulertzen.
- Apirilak 8: hitzaldia. Emozioak ulertzen eta kudeatzen.
Ekintza guztiak 17:30ean izango dira. Interpretazio- eta zaintza-zerbitzuak eskainiko ditugu. Horietakoren bat behar izanez gero, bete, mesedez, hurrengo galdetegia:
4. Ziklo Pedagogikoa - Armentia
Informazio osatua, prentsaoharrean.
Animatu etortzen, eta zure ingurukoei ere gonbidatu!
