Obra handia egin dugu ikastolan LH 1 eta 2ko txokoetan. Horma batzuk bota ditugu, eta espazio zabalagoak sortu. Beste batzuk, berriz, ate korredera bihurtu ditugu. Horri esker, haurrek mugimendurako leku gehiago dute, eta baita haien arteko harremanak zabaltzeko aukera gehiago ere. Irakasleek diote, gainera, aldaketa lagungarria izan dela jarduerak elkarrekin egin ahal izateko.
Horrez gain, berogailu sistema ere aldatu dugu, eta zapai berezia jarri dugu intsonorizazioa indartzeko. Zarata gutxiago dagoela nabaritzen da. Zorua, bestalde, egurrezkoa izatera pasatu da. Honek umeak goxoago aritzea ahalbidetzen du.
Azkenik, espazio komunak sortu ditugu: harmaila, harrera txokoa eta liburutegia. Gure ikasleak oso pozik daude aldaketarekin, hurrengo bideoan ikus daitekeen bezala:
