Skip to main content

Euskal Herriko Ikastoletako VII. Batzarra

Hurrengo hamar urteetako ildo estrategiko nagusiak zehaztuko dira. Armentia ikastolan ere komunitate osoaren partehartzea sustatuko dugu.

2024/02/08
Irudia
VII batzarraren logoa

Gizarteak hezkuntzari egiten dizkion eskaerak aztertu eta haiei erantzuteko, hezkuntza sisteman erreferente izaten eta gizartean eragiten jarraitzeko eta biharko munduan ikastolak egoki kokatzeko egingo dugun VII. Batzarra prestatzen hasi gara ikastolok. Hurrengo hamarraldian egin beharreko urratsak aztertu eta helburu horretara iristeko erabakiak hartuko ditugu VII. Batzarrean.

Eztabaida edo gogoeta prozesu hau arrakastatsua izan dadin, ikastolen mugimenduaren parte-hartze zabala gakoa izango da, eta Ikastoletako komunitatearen inplikazioa bilatu nahi da. Horretarako, zenbait bilera antolatuko dugu, materiala jarriko dugu komunitateko kideen esku… Elkarrekin egin nahi dugu bidea eta ahalik eta kide gehienen ekarpenak biltzea da helburu nagusia.

Armentia Ikastolan ere asmoa dugu VII. Batzar Orokorrari buruzko informazioa gure komunitatearekin partekatzeko. Horretarako, hainbat bide erabiliko dugu, tartean, Armentiberri buletina, garatuko dugun prozesuaren ahalik eta informazio gehien bidaltzeko, bai eta ikastolan prozesua garatzeko antolatuko ditugun jardueren berri emateko ere.

Erronka ilusionagarri bezain garrantzitsua dugu eskuartean; izan ere, hurrengo hamarkadan ikastolen tokia, funtzioa, helburua… zehazteko ardura baitugu ikastola osatzen dugun kideok.

Otsailaren amaieran ekingo diogu Euskal Herriko Ikastoletan lanketari, eta prozesuaren amaiera ekainaren 22an izango den VII. Batzar Orokorrean irudikatuko da.

Azken albisteak

2024-02-29
Euskal Herrian badira periferiatik euskara lantzen duten eragile ugari; horietako bat Ikastolen mugimendua da.
2024-02-29
Otsailaren 26an, ikastolok heldu den ekainaren 22an ospatuko dugun VII. Batzarraren prozesua aurkeztu genuen.
2024-02-29
3. Ziklo Pedagogikoaren amaierara heldu gara konturatu gabean. Asteartean izan genuen gurekin aurtengo azken hizlaria: Miren Ros.
2024-02-27
Azken bideoan SEASKAko kide eta Euskal Herriko Ikastoletako lehendakariorde Erik Etxartek hitz egingo du.