Skip to main content

Samu Rodriguezek ikasleak irabazi du Bertxoko Sariketa

Hala Bedi irratiko Bertxoko irratsaioak antolatutako sariketak baditu irabazleak: Eli Zaldua eta Samu Rodriguez.

2024/02/02
Irudia
Samu Rodriguez Bertxokon

Hala Bedi bidez

Bertxoko irratsaioak euren 20. urteurrena ospatzen jarraitzen du Hala Bedi irratian sortu zenetik eta, pandemian ostean sariketa martxan jartzea kostatu arren, baditu aurtengo irabazleak. Final handia aurreko ostiralean iluntzean jokatu zen Hala Bedi irrati ondoko lokalean. Antolatzaileek lokala argi ilun eta apainketa bereziekin atondu zuten, espazio gozo eta beroa sortzeko asmoz. Entzule pila bat gerturatu ziren zitara, eta lokala txiki geratu bazen ere, giro paregabea sortzea lortu zuten bertsolariek.

Hasieran, Hala Bedi irratiko Babazorra irratsaioko neskak atera ziren euren “show”-a eta aurkezpena egitera, eta Irati Martinez gai-jartzailearen laguntzaz bertsolariak agurtu zituzten: Paula Amilburu-Ane Arexolaleiba, Maddi Agirre-Aitor Najera eta Eli Zaldua-Samu Rodriguez bikoteak. Bertsolariek agur berezi eta musikatuekin eman zioten hasiera saioari, eta kanporaketetan baino ariketa gehiagori aurre egin behar izan zieten: 8ko handia, 8ko txikia, puntu erantzunak… Serapioren rapa edo Sandwich mixto ariketek ere ez zuten hutsik egin; entzuleek barre gehienak bertan egin zituzten. Horren ostean, egoera bati aurre egin behar izan zioten bikoteek “kartzela” ariketan, eta banaka sartzen eta abesten joan ziren.

Azkenik, koplaka eta puntuka egin zuten librean bozketaren unea heldu arte. Aurreko kanporaketetan bezala, entzuleak izan ziren epaileak, eta papertxoetan irabazleen izenak idatzita, Eli Zaldua eta Samu Rodriguezi garaipena ematea erabaki zuten. Entzuleek eta bertsolariek pozik eta lagunartean ospatu zuten garaipena Bertxokotarrek prestaturiko pikoteo goxo batekin.

Azken albisteak

2024-02-29
Euskal Herrian badira periferiatik euskara lantzen duten eragile ugari; horietako bat Ikastolen mugimendua da.
2024-02-29
Otsailaren 26an, ikastolok heldu den ekainaren 22an ospatuko dugun VII. Batzarraren prozesua aurkeztu genuen.
2024-02-29
3. Ziklo Pedagogikoaren amaierara heldu gara konturatu gabean. Asteartean izan genuen gurekin aurtengo azken hizlaria: Miren Ros.
2024-02-27
Azken bideoan SEASKAko kide eta Euskal Herriko Ikastoletako lehendakariorde Erik Etxartek hitz egingo du.