Skip to main content

Berdin bizi al gara guztiok?

Bizi-baldintzak, definizioz, honako hauek dira: pertsonen egunerokotasuna baldintzatu egiten duten aspektu konkretuak, indibidualak nahiz maila kolektiboan. Horien barruan daude, besteak beste, etxebizitzaren egoera, bere kokapena eta ekipamendua, garraio publikoaren eskuragarritasuna, ingurumenaren egoera, osasungintza, hezkuntza eta kultura eskaintza.

Hain zuzen ere, horiek aztertu dituzte Ingurune ikasgaian LH6 mailakoak, ikerketa baten bidez. Lehenengo ikergaiaren galderan munduko herri guztien bizi-baldintzei erreparatu nahi izan diete, bizitza duina bermatzeko guztiak berdinak ote diren jakiteko. Horretarako, hiru faktore arakatu dituzte: osasuna, hezkuntza eta bestelako zerbitzuak. Erantzunak gertu-gertutik jaso dituzte; izan ere, hiru zerbitzu horietan lan egiten duten guraso batzuk etorri dira haiekin hitz egitera.

Ikasleak taldeka banatu dira, eta talde bakoitzean guraso batekin aritu dira elkarrizketan. Gero, gonbidatuak taldez aldatu eta beste ikasle batzuekin elkartu dira. Horrela, guztiekin hitz egiteko aukera izan dute. Tartean, irakasleak eta udaleko eta larrialdietako zerbitzuko langileak izan ditugu gurean. Azken hauekin esperientzia osoa izan da, anbulantzia baten tripak eta guzti ezagutzeko aukera izan baitute.

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Armentia ikastolako ordezkariak ere izan ziren Kursäalen.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.