Euskara gure kulturaren oinarri den hizkuntza da, baina ikastolako pasilloetan haren erabilerak bultzadatxo bat behar duela ikusi dugu, bizirauteko. Horretarako, Euskararen Babesgunea deituriko espazioak sortu ditugu, gure hizkuntza zaharraren presentzia bermatze aldera.
Nola identifikatu daiteke espazio hori? Irudietan ikus ditzakezuen zirkunferentzia berdeen bidez. Eremu honetan, euskaraz dakiten guztiak, inongo aitzakiarik gabe, euskaraz egitera konprometitzen dira, eta bertako ekintzak gure hizkuntzan besterik ez dira izango. Horrela, denok era naturalean, eroso eta lasaian euskararen erabilera bermatuko dugu.
Ikastolan euskaraz bizi nahi dugu, eta hau lortzeko guztion konpromisoa ezinbestekoa da.
