Euskarazko sorkuntzarentzat egun bereziak datoz. Izan ere, Durangoko Azokaren atarian gaude. Aurtengoan, beste batzuetan bezala, Xabier Olaso ikastolako irakasleak liburu berria atera du Durangoko Azokaren atarian: ‘Galtzagorriak dabiltza etxean’.
Ordu txikitan idazten ari zela, lo seko gelditu zen Xabier. Ahots batzuek esnatu zuten bat-batean. Begiak ireki, eta galtzagorri batzuk ikusi zituen ingurumarian. Lau ziren guztira, bihurriak eta jostariak. Langile prestuak ere baziren, eta buru-belarri lagundu zioten Xabierri. Hauxe duzue beraien kontakizuna, guztiz dibertigarria. Ezagutu nahi duzue?
Liburu ederra bezain irakurterraza, Manu Ortega ilustratzaile eta komikigilearen irudiez lagundutakoa.
