Skip to main content

Euskara 'Erabiliaz' bizi nahi dugu

Azken urteotan egin diren neurketa guztiek euskararen erabileran beherakada erakutsi dute, orokorrean adin tarte guztietan, baina bereziki gazteen artean. Euskararen ezagutza datuak goruntz doazela dirudien honetan, erabilera derrigorrez landu beharreko esparrua da.

Zentzu horretan, Euskalgintza Kontseiluak Erabiliaz egitasmoan parte hartzeko gonbidapena luzatu zigun, eta Armentia Ikastolako HH eta LH etapetan gonbidapenari baietz borobila eman genion. Egitasmoa Euskaraz Bizi Nahi Dut mugimenduaren baitan, sorkuntza bultzatzen duen ekimena da.

Hamaika ekintza edo ariketa garatu ditugu etapa eta maila ezberdinetan: 

  • HH2n 'Euskaraz Bizi Nahi Dut' marrazkiak eta abesti-dantza baten grabaketa.
  • HH3n AhoBizi dantza, euskarari buruzko errimak, Argitxoren agerraldia eta gaztainondoa.
  • HH4n Euskararen horma-irudia, Argitxoren bila (pista jolasa), Agitxoren ipuina, abestia eta urtebetetzea.
  • HH5n Argitxoren gaixotasuna sendatzeko erronkak, termometroa,... euskarazko abesti-dantzak.
  • LH1n Pirritx, Porrotx eta Marimototsen bideoa (Euskaraz Bizi Nahi Dut leloaren ingurukoa) euskaralagunekin lotu, ipuin musikatua.
  • LH2n Pirritx, Porrotx eta Marimototsen bideoa (Euskaraz Bizi Nahi Dut leloaren ingurukoa) euskaralagunekin lotu
  • LH3n euskararekin lotzen dituzten leku eta txokoen argazkiak gelara ekarri eta horien azalpena gela aurrean
  • LH4n euskarazko irakurmena sustatzeko lemadun txartelen sorrera
  • LH5n euskaraz bizitzea zer den, posible ote dugun eta egiten ote dugun... hausnarketa, argazki/bideoen bidez jasoak, eta murala.
  • LH6n Euskararen presentzia inguru hurbilean aztertzeko familiekin elkarlanean argazkiak atera eta taldekideekin diapositiba muntaia egin, ondoren gelakideen aurrean hausnarketaren berri emateko 

Ariketa hauen guztien ostean Euskalgintza Kontseiluak hainbat opari bidali dizkigu ikasleentzat.

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Euskararen berreskurapenerako arlo estrategikoa da hezkuntzaren sektorea. Bete-behar horri erantzuteko estrategien inguruan hausnartu genuen Ikastolen 30.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.