Dagoeneko jakinarazi dizuegun bezala, datorren ekainaren 11n Araba Euskaraz Gasteizen izango da, Olarizun, eta jaian lortutako dirua Aguraingo Lautada Ikastolari laguntzeko erabiliko dugu.
Horrez gain, datozen egunetan denda gure ikastolan izango dugula adierazten dizuegu. Oraingoa neguko kanpaina da, beraz, neguko materiala izango duzue eskura. Hurrengo denda udaberrian jarriko dugu, material berriarekin. Hauek izango dira oraingo hitzorduak, denak ikastolako Aretoan:
- Azaroaren 19a, larunbata, ikastolako auzolanaren ostean.
- Astelehen eta asteartean (hilak 21 eta 22), 16:30etik 17:30era.
EKINtzak
Arabako ikastolen jaiari begira, ekintzak antolatu dituzte eskualdeka:
- Azaroaren 18an, 17:30ean, Agurainen, kalejira erraldoia izango da, ikasturte honetako edizioa aurkezteko.
- Abenduaren 4an, Araba Euskaraz 2023ren aurkezpena izango da Gasteizen, Europa Biltzar Jauregian. Go!azen kontzertuaren bi emanaldi eskainiko dituzte: 17:00etan eta 19:00etan. Sarrerak astelehenetik aurrera egongo dira salgai Araba Euskaraz webgunean.
Beherago duzue neguko kanpainaren katalogoa.
Irudia
p1gi04eif11qpu1f6ibn11n8aun54.jpg
Irudia
p1gi04eif11kri1ucj1cji1io61qti5.jpg
