Skip to main content

Gazteak eta mugikorrak hizpide, Miren Rosen hitzaldi-solasaldietan

Urriaren 20an abiatu zituen Miren Ros adituak gazteei eta mugikorrei buruzko hitzaldi-solasaldiak. LH3tik 6ra dauden ikasleei eta haien gurasoei zuzenduta daude, eta ikasturte osoan lanean diharduteko talde eragilea sortzea dute helburu. 

Aurreko astean, goizez, LH6ko ikasleekin izan zen Miren Ros, eta, arratsaldean, LH 3 eta 4ko gurasoekin. Horiekin jarri da martxan, hain zuzen ere, talde eragilea. Aste honetan, berriz, LH5eko ikasleekin egoteko txanda izan da goizez, eta LH 5-6ko gurasoekin, arratsaldez. Saio horietan, besteak beste, mugikorra, Internet, online jokoak eta Sare sozialen inguruko hausnarketa egin dute, horien erabilera duten arriskuak ikusi dute eta kontzeptu batzuen azalpena jaso.

Hemen ikus dezakezue zehatzago zer landu duten azken bi aste hauetan, bai gurasoek bai ikasleek.

Bidelagun eta Miren Ros

Bidelagun haurren hezkuntza eta heziketaren inguruko gaiak jorratzeko guarso eta hezitzaileei zuzendutako proiektu bezala hasi zen 2015ean.

Proiektuaren oinarrian, Miren Ros Aiartzagunea dago. Enpresen Administraritza eta Zuzendaritzan lizentziatua, beste arlo batzuetan ere formatu da; besteak beste, Doula, Edoskitzea, Jai Aurretik eta ondorengo galerak, Montessori etxean nola aplikatu eta Pedagogia Sistemikoa.

Informazio gehiago nahi baduzue, Bidelagun proiektuaren webgunea bisitatu dezakezue.
 

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Euskararen berreskurapenerako arlo estrategikoa da hezkuntzaren sektorea. Bete-behar horri erantzuteko estrategien inguruan hausnartu genuen Ikastolen 30.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.