Urtero bezala, Errigora ekimenak Nafarroa hegoaldeko produktu bikainez osatutako saskiak eskatzeko epea abian jarri du. Dakizuen moduan, hauen balioaren %25 Nafarroa hegoalde eta erdialdeko euskalgintzara bideratuko da.
Bat egiteko garaia da aurtengo Nafar hegoaldeko uzta euskarari puzka kanpainaren leloa, lau arrazoirengatik. Lehenik, zonifikazioa gainditzeko garaia delako. Bigarrenik, Agerrean bereziki, euskararekin berradiskidetzeko eta euskararentzako aldekotasun berriak biltzeko garaia delako. Hirugarrenik, Agerreko euskaltzaleak bildu eta aurrerako bidea bateratzeko garaia delako. Eta laugarrenik, Nafarroarekin bat egiteko garaia dugulako euskal herritarrok orohar, herri senez, euskarari mugak kentzeko eta elkarrekin aritzeko.
Hori dela eta, erosketa egiten animatu nahi zaituztegu. Ohi bezala, aurten ere hiru saski daude aukeran: beltza (betikoa: 55 euro), berdea (ekologikoa: 65 euro) eta zuria (berezia: 75 euro).
Eskaria egiteko interesa izanez gero, bete ezazue hurrengo galdetegia, azaroaren 9a baino lehen: https://forms.gle/H3DjNH8UhNjCNRJZ7
Produktuei buruzko informazioa: www.errigora.eus
