Ikastolen mugimendua eta komunitatea biltzen dituen Ikastola aldizkariak 31 urte daramatza gure artean. Ikastolei, pedagogiari eta hezkuntzari buruzko ehunka erreportajek, elkarrizketak eta albistek osatu dituzte hamarkada hauetan ilusioz sortutako 249 zenbakiak, Euskal Herri osora zabaltzeko helbururarekin.
250. alearen txanda da orain, eta eraberrituta dator, azalez eta mamiz. Aldatzeko unea iritsi zaio aldizkariari. Azalean, diseinu freskoa; paper birziklatu eta ekologikoan inprimatua, eta tamaina txikiago batekin, irakurtzeko eta maneiatzeko erosoagoa. Edukiari dagokionez, atal berriak: Haria, Solasean, Sakonean, Liluratura, Soslaia eta Ikastolak. Gainera, ilustrazio paregabeek laguntzen dituzte orriak eta aldizkariz haratago doazen edukiak.
Ikastolan ikusgai izango duzu.
