Skip to main content

Landaredia eta fauna ezagutu dituzte Aizkorri-Aratz parketxean HH 4ko gelakoek

‘Udazkena’ izaten ari da azken asteetako gaia HH 4ko gelan. Aurrekoan estanpazioekin aritu ziren, eta orain ikastolatik Aizkorri-Aratz parketxera joan dira txangoan. Bertan, ingurunearekin zuzeneko harremanetan jartzeko aukera izan dute ikasleek. Ekintza honen bitartez, ikasleengan naturarekiko interesa piztu eta suspertu nahi izan dugu.

Egunari hasiera emateko, parkea aurkeztu diete bideo baten bidez. Ondoren, ikasleek landaredia eta fauna ezagutzeko parada izan dute parketxeak ikusgai duen erakusketari esker, eta Mitxarroaren museoan ere izan dira, haren ohiturak ezagutzeko.

Bukatzeko, dibertigarriena: ingurunea ezagutzeko eta naturarekin harremanetan jartzeko jolasak egin dituzte. Gure inguruko hostoak eta fruituak ezagutzeko eta manipulatzeko aukera aparta izan dute.

 

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Armentia ikastolako ordezkariak ere izan ziren Kursäalen.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.