Skip to main content

Abian dira eskolaz kanpoko ekintzak

Ikasturte hau aurrekoen antza eta normaltasuna hartuz doa pixkanaka. Horren adibide dira eskaintzen ditugun eskolaz kanpoko ekintzen buelta, osotasunean; izan ere, urriaren 3an martxan jarri dira guztiak, inolako murrizketarik gabe.

Ohi dugun moduan, euskal kulturaren aldeko ekintzak egiten eta sustatzen jarraitzen dugu. Hori dela eta, urtero legez, HH eta LH mailei zuzendutako Euskal Dantzak antolatu ditugu, trikitixa LHkoei eta bertsolaritza LH eta DBHkoentzat. Ekintza kultural hauei ingelesa, robotika, mahai-jolasak eta eskulanak gehitu behar zaizkie, LH eta HHkoentzat.

LHko 5. eta 6. mailei dagokienez, aurreko urteko saskibaloiko taldea mantendu da, eta esku pilota talde berria sortu da. Bestalde, 3.  eta 4. mailetan multiekintza ezberdinak abian jarri ditugu: boleibola, gimnastika erritmikoa, futbola eta saskibaloia. Zerrenda horri irristaketa gehitu behar zaio ere.

DBH eta BATXIkoentzat, bestalde, boleibolerako 3-4 talde osatu ditugu; adin-tarte horretan indarra hartzen ari den kirol bat dela esan dezakegu. Zabalganeko gizarte-etxean entrenatuko dute.

BEGI-KOLPEAN

  • KIROLA
    • Esku pilota
    • Boleibola
    • Irristaketa
    • Gimnastika erritmikoa
    • Saskibaloia
    • Futbola
  • EUSKAL KULTURA
    • Euskal Dantzak
    • Trikitixa
    • Bertsolaritza
  • KULTURA | BESTEAK
    • Robotika
    • Ingelesa
    • Mahai-jolasak
    • Eskulanak

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Euskararen berreskurapenerako arlo estrategikoa da hezkuntzaren sektorea. Bete-behar horri erantzuteko estrategien inguruan hausnartu genuen Ikastolen 30.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.