Skip to main content

Dena prest Ibarran, Kilometroak ospatzeko

Datorren igandean, urriaren 2an, hitzordua jarrita dago Ibarran, Gipuzkoako ikastolen aldeko jaia ospatzeko. Uzturpe ikastola da aurtengo Kilometroak antolatzeko arduraduna. Ohi bezala, egun osoko egitaraua antolatu dute data horretarako, baina urtean zeharreko kontua dela nabarmendu dute ikastolako kideek; izan ere, aurtengo aldaketa nagusietako bat “kultura kontsumitzeaz gain, esperimentatzea, bizitzea, parte hartzea” izan da.

Lau gunetan zehar zabalduko dira ekintzak, baina, aldaketa txiki bat egin diote. Orain arte, tokia orientatzeko erraza bazen ere, askotan jendea ez zen guneetatik ateratzen. Hori ekiditeko, betiko guneak izango dira, baina ez dira gaika edota adinaren arabera bereizita egongo.

Urte osoko lanketa honen guztiaren bidez ateratako diruarekin, ikastolako kanpo espazioa (patioa) bermoldatu eta barneko espazioak metodologia berritzaileen zerbitzura egokitzen jarraitu nahi dituzte.

Hurrengo loturan uzten dizuegu Kilometroak 2022 jaiko informazio guztia: Irribarra-Kilometroak 2022

 

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Armentia ikastolako ordezkariak ere izan ziren Kursäalen.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.