Konturatu gabean iritsi zaigu iraila berriro ere. Zeinen gustura ibili diren gure etxeko txikienak oporretan, jolasean, plisti-plasta igerilekuetako zein hondartzetako uretan… eta gurasook, ahal izan duzuen heinean, haiekin gozatzen. Baina, tira, ongi aprobetxatutako guztia labur amaitzen da, eta hasiko den ikasturteari begira jartzeko garaia da orain, pilak kargatuta ditugula.
HH1 eta 2koen txanda izan da irailaren lehen astean, egokitzapena hasi baitute. Espazio eta gelakide berriak ezagutzen emango dituzte datozen asteak. Gainerakoen hitzordua, irailaren 7a.
Uda hasieran esan bezala, aurtengoak ere ez-ohikotasunean murgilduko gaitu berriro; COVIDak atseden apur bat emango badigu ere, fokua orain hezkuntza lege berriak ekarriko dituen aldaketetan dugu jarrita. Horregatik, trantsizio egoerak urtea definituko duelakoan gaude..
Hala ere, indarberrituta, gogotsu eta ilusioz jarriko gara lanean, datozenak datozela.
Ongi etorri, beraz, familia guztioi, eta ikasturte berri on!
