Bestetik etapa ezberdinetan AEK-k eta Ikastolen Elkarteak diseinatutako unitate didaktikoetako jarduerak egin dira: kanta ikasi, koreografia dantzatu, lekukoak sortu, apaindu eta mezuak etxetik ekarrarazi, ibilbidea egunez egun aztertu, petoa margotu,...
Gure kilometroa gaur 19:00etan dela eta, 16:30 etatik aurrera Zaldiaran patioan egingo den jai egitaraua honakoa da:
16:30ean txoripana, musika eta photocall-a
17:30etan Dantza-plaza, Mulixka taldearekin.
18:30ean kalejiran ikastolak daukan kilometroa egingo duen bidegurutzeraino (Ariznabarra kalea - Gaztela atariarekin)
19:00 ikastolako kilometroa. Aurten lekukoa Armentia Ikastolako Josu Suárez irakasleak eramango du (jubilatu egiten baita) DBHko euskara taldeko bi ikasleekin batera.
Apirilaren 7an 14:50ean korrika txikia abiatuko dugu Gasteiz osoan zehar ibilbidea eginez. Armentia ikastolari korrika txikiari hasiera ematea egokitu zaio La Antonia rotondatik hasi eta Gurutze Gorriko enparantzaraino.
