Azken bi asteetan LH 6ko ikasleek Gasteizko udaletxea bisitatu dute, bere sekretu guztiak ezagutu nahian. Bisita hauen helburua Udala hobeto ezagutzea da: nola jaio zen, non dauden bere eraikin nagusiak, zer eginkizun dituen eta zer zerbitzu eskaintzen dituen. Jarduerak hiru zati ditu: ibilbide bat gertuko hainbat toki eta zerbitzu ezagutzeko; Udaletxe barruko bisita; eta osoko bilkura baten simulazioa.
Bisita hauen bitartez gizalegea, prestakuntza eta nortasuna bezalako balioak landu nahi dira, eta Udaleko arduradunek Armentia Ikastolako ikasleekin egin zuten lanketa honako hau izan zen:
- Udal erakundearen jatorria, gaur egungo antolakuntza eta eskaintzen dituen zerbitzuak ezagutaraztea.
- Udaletxeko aretoak ezagutzea eta dituzten funtzioak azaltzea.
- Ikasleek historia- eta arte- ondarea baloratzea eta hauekiko errespetuzko jarrera bultatzea.
- Hiriaren ezagutza praktikoa sustatzea. Hartara, hiriak eskaintzen dizkigun baliabide eta zerbitzuak ezagutu eta erabiltzeko behar den informazioa ematen zaie ikasleei.
- Ibilbidearekin lotura duten emakumeak ikusaraztea; aitortzea eta balioan jartzea historian, kulturan, artean eta politikan egin duten ekarpena.
Aipatu behar da, bisitak izan zuela bere kutsu ludikoa ere eta ikasleek primeran pasatu zutela.
