Skip to main content

Ekainaren 24ra arteko epea dago 2021-2022 ikasturterako Eskolaz Kanpoko Ekintzetan izena emateko

Aurreko urteetako eskaintzari eutsi eta berrikuntzak proposatzen dira datorren ikasturterako, besteak beste, zirkua, sukaldaritza, mekanografia... txertatuko dira datorren ikasturterako eskaintzan. COVID-19ak eragindako balizko egoeretara moldatuko da eskaintza, beharrezkoa bada.

Igaro den ikasturteko eskolaz kanpoko ekintzetan bizi izan dugun egoera berezia kontutan harturik, ezin dugu ziurtasunez jakin datorren kurtsoko baldintzak zeintzuk izango diren. Aurreko urteetako errealitatera hurbiltzea espero dugu eta ortzimuga horretan osatu dugu eskaintza ahalik eta zabalena, anitzena eta berritzaileena.

COVID-19 larrialdiari lotutako balizko eszenatokiak eskaintza hau baldintzatu dezake, baina egin beharreko egokitzapenak egingo ditugu administrazioak baldintzak ezartzen dituen unean. Bitartean, "normaltasunez" burutuko dugu izen ematea.

Izen ematea burutzeko epea Ekainak 24 izango da. Horretarako, galdetegia bete behar da (ikasle bakoitzeko galdetegi bat).

Edozein zalantza argitzeko eskolazkanpokoekintzak@armentiaikastola.eus helbidera idatzi dezakezue.

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Armentia ikastolako ordezkariak ere izan ziren Kursäalen.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.