Skip to main content

DBH 4Bkoek Ikastola Europan aurkezteko bideoa egin dute

eTwinning Europako ikastetxeen komunitatea da, eta plataforma bat eskaintzen die parte hartzen duten Europako herrialdeetako ikastetxeetako hezkuntza-taldeei. Tresna horiek ikastetxeek eskura dituzte gainerakoekin komunikatzeko, lankidetzan aritzeko, proiektuak garatzeko, partekatzeko edo, bestela esanda, Europako hezkuntza-komunitatearen parte izateko.

Proiektuaren parte dira Europako 218.995 ikastetxe eta 906.693 irakasle; tartean, Armentia Ikastola eta bertako hainbat irakasle. Proiektuaren sustatzaileetako bat da Armentiako Alicia Rodrigo irakaslea eta, bere ustez, programa “oso aberasgarria” da ikasleentzat.

Proiekturako egin beharreko zereginen artean Ikastola aurkeztu behar dute eta, horretarako, bideo bat egin dute DBH 4B gelako ikasleek. Aurrerago, berriz, bidaia birtualak egingo dituzte programaren parte diren Europako ikastetxeetan eta, horietan, dinamika ezberdinak egingo dituzte.

Rodrigoren iritziz, ikasleentzat hainbat onura ditu proiektuak: “Eguneroko errutinatik ateratzen ditu, eta informatikaren arloan berez duten jakintza praktikan jartzeko aukera ematen die. Horrez gain, harremana egiten dute haien adineko beste herrialdeetako ikasleekin eta hori ere oso onuragarria da”. Programaren izaerak bat egiten du Armentia Ikastolaren jardunarekin, biak ala biak, proiektuetan oinarritzen baitira ikasleen hezkuntza garatzeko.

Azken albisteak

Duela aste bat  Altxa Buruak abian jarritako ekimenaren berri eman genizuen, hain zuzen ere,  seme-alabei mugikor propioa gutxienez DBH1 amaitu arte ez ematea.
Armentia ikastolako ordezkariak ere izan ziren Kursäalen.
Euskaratik beste hizkuntza eta kulturako jendartearekin zubiak eraikitzeko Euskara Zubi metodologia eta bide-orria aurkeztu ditu Aiaraldeko Euskalgintza Kontseiluak.
Datozen egunetan Araba Euskarazeko denda jarriko dugu.