Familiek ikastolan parte hartzeko bideetako bat lantaldeena da. Orain dela aste batzuk lantaldeak martxan jarriko zirela aipatu genizuen eta hauetan parte hartzeko gonbidapena ere luzatu genizuen.
Lantalde horietako bat komunikazio batzordea da. Aste honetan bertan egin du lehen bilera. Bere egitekoa, familiei eta komunitateari orokorrean, Armentia ikastolak zer eta nola komunikatu behar duen aztertzea eta proposatzea izango da. Bi hilabetean behin bilduko da.
