Irudia
Aurreko ARMENTIBERRI azaldu bezala, EUSFERA gure haurren ingurua euskaldunagoa izatea nahi duen ekimena da. 0-12 urteko haurren gurasoei zuzenduta dago eta etxeko haur eta gaztetxoen atmosferan euskarak gero eta presentzia handiagoa izatea da helburua. Maiatzaren 7tik 17ra izango da ekimena.
Bi modu dituzue parte hartzeko:
- Etxean etxekoekin MISIOAK egin. Horretarako webgune honetan sartu eta galdetegi betez zure familiara egokitutako misioak egokituko zaizkizue:
- Sortuko diren EUSPAZIOetan parte hartuz. Hiru sortu dira ikastolan:
- Maiatzak 8 ikastolako patioan (16:45-17:45). Aurpegiak margotu eta txapak egin.
- Maiatzak 13 ikastolako patioan (16:45-17:45). Jolasak eta Herri Kirolak.
- Maiatzak 15 Ariznabarrako kantxetan, Garoka tabernaren ondoan, 16:30etik 19:00etara egur jolasak eta DJ-ak ARABA EUSKARAZen eskutik (ikastolako patioa itxita egongo da). Egun honetan bertan LH6. mailako ikasleek Azoka Solidarioa prestatu dute ikastolako sarreran. Hortaz, azokatik joan zaitezkete egur-jolasetara.
Denon artean, denon taupaden bidez, Euskararen unibertsoa zabalduko dugu!
