Martxoaren 19an, arratsaldeko 15:30ean ekin zion euskararen aldeko lasterketak gure herria iparretik hegora zein ekialderik mendebaldera zeharkatzeari. Gau eta egun, etenik gabe milaka euskaltzale ari zaio KORRIKAri hauspoa ematen, bai eta euskaraz bizitzeko nahia aldarrikatzen ere.
Armentia ikastolan ere eratu genuen Korrika batzordea, eta hamaika jarduera antolatu ditu, bai ikastolako komunitateari begira, bai eta auzoko gainerako eragileekin batera auzoei begira ere.
Orain, bai, badator Gasteizera euskararen aldeko lasterketa, eta merezi duen ongi etorria ematekotan gaude ikastolan, bai eta gure kilometroa egitekotan ere. Aurreko edizioetan bezalaxe, oraingoan ere, hitzordua egingo dugu arratsaldeko 19:00etan ikastolako sarreran, eta bertan gure ikasleen hainbat erakustaldi izango dira, koreografia, bertsoak… Horrekin batera, elkarrekin jango dugu askaria, zeinek etxetik ekarrita, baina elkarrekin banatuta.
Eta, gaueko 21:00etan denok batera, Antonia biribilgunera hurbilduko gara, bertan hartuko baitu Armentia ikastolak lekukoa. 2.623 aldiz eskuz esku ibili den lekukoa.
