Korrika Batzordeak antolatuta, martxoaren 18an 100 bat lagun baino gehiago bildu ziren ikastolako jantokian bertso-saio berezi batez gozatzeko. Bertan egun ikastolako bertso-eskolan buru belarri dabiltzan ikasleek haien talentuaz ase gintuzten, eta ondoren, Arabako bi bertsolari handi izan ziren: Aroa Arrizubieta eta Peru Abarrategi.
Saio hurbila eskaini ziguten bertsolari nagusiek, gure bertso-eskolako ikasleei zuzenduta bereziki, eta izugarri hunkigarria izan zen bertsolarien eta gure ikasleen artean sortutako lotura. Are gehiago, kontuan hartuta Aroa Armentia ikastolako ikasle ohia izateaz gain, gure bertso-eskolako irakaslea ere izan dugula.
Bertso saioa amaituta, bertan bildutako haur, guraso zein irakasleek eskaera bat egin zuten: holako bertso-afaria urtero antola dadila. Hala bedi!
