Irudia
Euskararen Egunaren harira, DBH 2ko ikasleak Arte Ederretako museoan izan dira. Bertan, euskal artisten lanak ezagutu dituzte, eta orain arteko ibilbidean egin duten lana osatu dute, euskal artea eta kultura uztartzen dituzten hainbat artelanen bidez.
Belaunaldi desberdinetako egileen lanak ezagutu dituzte: Akademizismoa, Inpresionismoa, Tradizioa eta Abangoardietako paisaiak, Gerra Zibila eta gerraren gatazkaren ondoren sortutako agertoki berriak...
Hainbat estilotan, proposamen klasikoenetatik hasi eta berritzaileenetaraino, arte adierazpen anitzak ezagutu dituzte; tartean, paisaia genero independente gisa jorratu zutenen artea.
