LH2ko ikasleak Olarizuko Lorategi Botanikoan izan dira azken egunotan. Ingurua hobeto ezagutu eta zuhaitzak esploratzen aritu dira.
Gasteizko Udalaren Zuhaitzak esploratzen ditugu, izaki harrigarriak unitate didaktikoaren baitan, hainbat jarduera egin dituzte: hasteko, tokia aurkeztu diete; ondoren, ipuin bat kontatu diete lorategi botanikoko elementu naturalak identifikatzeko eta, era berean, biodibertsitatearen eta kontserbazioaren garrantziaz jabetzeko; horren ostean, taldetxoka, erronken ibilbidea egin dute, eta, azkenik, naturalistaren egunerokoa bete eta hausnarketa egin dute.
Oso txango interesgarria izan da haientzat; izan ere, gelan ikasitakoa errealitatean bertan ikusteko aukera izan dute, eta, bide batez, gure hiriko inguru naturaletatik paseotxoa eman dute! ;)
