Araba Euskaraz ate joka dugu. Hilabete eskas bat falta da Arabako ikastolen jaia ospatzeko, aurten Bastida Ikastola laguntzeko. Hori dela eta, Araba Euskarazek berak idatzitako gutuna helarazi nahi dizuegu. Atxikita doakizue, lasai-lasai irakurtzeko.
“Baina Araba Euskaraz ez da soilik ikastola baten finantzazioa lortzeko helburuarekin egiten. Aitzitik, ikastola mugimenduaren indar erakustaldia ere bada, gure komunitatea sendotzen laguntzen duen egun bat ere bada, gure hezkuntza eredua aldarrikatzeko eguna. Euskarari eta euskal kulturari plaza eta bozgorailu handiak ere eskaintzen dizkiegu Araba Euskarazen bitartez, euskaraz bizi nahi duten herriaren eta herritarren bilgune handi bat da”. - Unai Mendizabal, Arabako Ikastolen lehendakaria.
Parte hartu, zatoz, ekainaren 15ean Olarizura. Zurekin hobeto da! Etengabe!
