Bost urte bete ditu TANTA egitasmoak aurten. Hari esker, besteak beste, Euskal Herriko Ikastolek jaiak (Araba Euskaraz, Ibilaldia,…) finantzatzeko aukera lortzen dute. Noski, ikastola guztiek parte hartzen dute, eta Ikastolen Elkartearen ardurapean garatzen da.
Ikastolentzako, TANTA ekimena gure hezkuntza proiektuaren aldeko elkartasun adierazpena da, izan ere, herritarrek beraiek egiten dute Ikastolen proiektuaren aldeko ekarpena.
Hori dela eta, aurten ere, familia bakoitzak bi TANTA txartel jasoko ditu, bakoitza 5 euroan. Maiatzeko erreziboan pasako zaie kopuru hori.
60.000 euroko saria
Esan bezala, herritarrek bost euroko ekarpena egingo diote Euskal Herriko Ikastolen proiektuari, TANTA txartel bakoitzeko. Bildutako elkartasunaren zati bat herritarrei itzultzeko, boletoak zozketatuko dira, 2025eko ekainaren 20an, notario aurrean. Saridunak 60.000 euro jasoko ditu.
