Irudia
Gaur zabalduko ditu ateak Durangoko Liburu eta Diskoaren Azokak, eta Armentia Ikastolako Batxilergoko ikasleak bertan izan dira.
Euskarazko sorkuntzaren bilgune garrantzitsuen bihurtzen da Durango urtero abenduaren hasieran. Liburuak, diskoak… bai eta kontzertuak, antzezlanak, euskal kulturaren inguruko proiektuak… Euskarazko sorkuntzaren oasia da, eta Armentia ikastolan nahi dugu geure ikasleek hori guztia haien begiekin ikustea.
Halere, ikastolatik gurasooi ere dei egin nahi dizuegu Durangoko Azokak eskaintzen duen hori guztia probestu eta egunotan bertara hurbiltzeko, euskara ikusteko, arnasteko, usaintzeko, bizitzeko toki paregabea da Durango egunotan.
