Gasteizko Udalak, hiriko beste hainbat ikastetxerekin batera, Osasun Hitzak jarduera abian jarri du beste urte batez, eta gure ikasleek aurten ere parte hartu dute. Ekintza horren helburua honakoa da: Lehen Hezkuntzako haurrekin osasun mentalaren gaia lantzea, ipuinen sorkuntzaren bitartez.
Hala, LH 4ko ikasleak, taldeka, pertsonaia eta istorio desberdinak sortzen eta ilustratzen ari dira, haien osasun mentalerako oso garrantzitsuak diren alderdiak lantzen dituzten bitartean, hala nola emozioen identifikazioa eta kudeaketa, entzumena, adierazpena eta adosteko trebetasuna. Era berean, irakurketarekiko eta sormenarekiko interesa indartzeko balio du.
Lau saio izango dituzte; hain zuzen ere, lehenengoa aste honetan bertan hasi dute. Amaitzen dutenean, Gasteizko beste ikastetxeekin batera, ipuin guztiak bildu eta Osasun Hitzak liburua osatuko dute.
