Xabier Barandika eta Unai Lekerika gernika-lumotarrek pauso sendoz hartu dute Araba Euskaraz Master Seriesa, eta txapelketaren finalean egongo dira, ostiralean [apirilak 26]. Goi mailako finalaurrekoa jokatu zuten Ludovic Ladutxe getariarraren eta Jon Bullet abala markina-xemeindarraren aurka. Herrikide eta adiskide bikoteak ez zuen inongo aurkaririk topatu partiduan, eta uneoro norgehiagokaren kontrola eduki zuten.
Emakumezkoen partiduak ere gizonezkoenen pareko dinamikei jarraitu zien. Izan ere, Maite Ortiz de Mendibil arabarrak eta Arai Lejardi Markina-xemeindarrak garaipen boteretsua eskuratu zutenElaia Gogenola berriatuarraren eta Frida Watkins zumaiarraren aurkakoan.
Ia bederatzi hilabeteren ondoren, beldurrak kendu eta konfiantza hartzen joatea zen Barandikaren asmoa kantxetara itzuleran. Bada partida ikusi ondoren, lesionatuta egon ez balitz bezala jokatu zuela esan behar dugu. Xabiren lesio luzeak zalantza eragiten zuen pronostikoetan baina berehala aldendu zituen zalantzak bikote gernikarrak.
Ostirala honetan, hilak 26, bikote oso lehiakorra edukiko dute arerio: batetik, egungo puntistarik goi mailakoena den Aritz Erkiaga ispastertarra; bestetik, etxeko jarraitzaileen aurrean jokatuko duen Julen Del Rio gasteiztarra. Final estua eta borrokatua izateko osagai guztiak mahai gainean daude.
Emakumeen Masterrean, partidu polita jokatu zuten lau protagonistek. Hasieratik Maite Ortiz de Mendibil eta Arai Lejardi izan ziren nagusi. Momentu baten markagailuan hurbildu zitzaizkien Elaia Gogenola eta Frida Watkinsm baina bikote marroiak oso seguru jokatu zuen eta ondo errematatzen Andetxako aurrelaria. Elaia berriatuarrak ere ondo jokatu zuen, beste behin ere erremate ederrak egin zituen baina ezin izan zuen partidua nahi bezala lehiatu. Frida zumaiarrak apur bat behera egin zuen eta Maitek eta Araik lortu zuten finalerako txartela. Ikusleek partidu ederraz gozatzeko aukera eduki zuten.
Gogoan izan datorren ostiralean, hilak 26, jokatuko direla finalak, Gasteizko Olabe pilotalekuan arratsaldeko 19:00etan hasita. Beste behin, ikastolatik aterako gara 18.00etan trikitilariarekin batera joateko.
ERIKA-NAROA vs MAITE-ARAI
ERKIAGA-DEL RIO vs BARANDIKA-LEKERIKA
SARRERAK HEMEN ESKURAGARRI
