Azken bi urteetan Barnetegietako hotsa ixilik egon da, COVIDa dela eta. Barnetegietako hotsa entzun duenak badaki zer den, ezagutzen du sortzen den zurrunbiloa, eta zurrunbilo horrek barruan dakarrena: bizipoza, barreak, negarrak, urduritasuna, lagun berriak, jolasak, irteerak…. Barnetegiarena umeen eta irakasleen memorian iltzatuta geratzen den bizi esperientzia da.
Eta bi urteren ondoren, barnetegietako hotsak eztanda egin du, inoiz baino ozenago: Aurreko astean DBHko ikasleak Barnetegietan egon ziren, eta inoiz baino gogotsuago aritu dira bai ikasleak zein irakasleak. 3 egun izan dira eta ikasleen harremana sendotzeko eta ikasle-irakasleak gelatik kanpo ezagutzeko aukera paregabea izan da.
Hauek dira egindako irteerak eta bakoitzean egindako ekintza batzuk:
DBH 1 - Beire: Erriberriko gaztelua bisitatu, malabareak, ogia egin, erdi-aroko mozorroak eta afaria...
DBH 2 - Arantza: espeleologia, tirolinak, zuhaitz parkea, Sanjuantxar bisitatu eta paseoa...
DBH 3 - Donosti: Eureka museoa, surf, Tabakelara, hondartza, jolasak...
DBH 4 - Jaca: Lacuniacha parkean, rafting, "arborismoa", izotz pista...
