Gure komunitateko familiei zein edozein gasteiztarri zuzendutako hitzaldi-zikloari hasiera emango diogu gaur, ERRESPETUZKO HARREMANAK SEME-ALABEKIN hitzaldiarekin. Asteazkenerako aurreikusita geneukan NOLA JARRI MUGAK atzeratu behar izan dugu. Ikastolak hitzaldi hauen bidez familien bidelagun izan nahi du zuen seme-alaben heziketa-prozesuan, eta ekarpen bat egin nahi dio komunitateari eta Gasteizi.
Datorren astean ere, etortzeko bi aukera berri izango dituzue, hurrengo bi hitzaldiekin:
- NERABEZAROA ULERTU ETA EZAGUTU (otsailak 2): MIREIA CENTENO GUTIERREZ
Psikologoa eta psikopedagogoa. Haur eta nerabeekin egiten du lan hezkuntza arloan, ikastetxeetan psikologo itinerante bezala. Guraso eta hezitzaileekin ere aritzen da formakuntza eta akonpainamenduan.
- PANTAILAK: XXI.MENDEKO TXUPETE ETA JOSTAILUAK (otsailak 3). MIREN ROS AIARTZAGUENA. BIDELAGUN
Familia Coach-a. Bidelagun proiektuaren sortzailea. Familia eta hezitzaileentzat informazioa, formakuntza eta aholkularitza.
Hitzaldiak adin-tarte bati zuzenduta badaude ere edonor etor daiteke. Erraztasunak emate aldera, aldi bereko itzulpen sistema eta zaintza zerbitzua egongo da.
Izen-ematea honako galdetegi hau beteta egin behar da: https://forms.gle/9xwMDY8E8Y2RBui5A
